人性的光辉

今日既一连串不如意事件，由发电机坏左，洗完头先发现无得吹头，湿住个头去gel头开始。心情虽然坏透，但系正所谓日子难过日日过，要让日子继续好好过，唯有在生命里面找亮点。 修女系我地的常客，她经常会带不同的BB来睇病。她和几个志趣相投的修女，一起在乡村成立了类似孤儿院的地方，义务照顾同埋养育被人遗弃的小朋友。 镜头里的Peter，笑得很开朗，但是佢同好多人唔同，佢系无老豆既，而妈妈是一个精神病患者，有一日拎住菜刀想斩死Peter，有好心人系刀口下救了Peter一命，并将佢交托比修女。 Peter今次唔系呢度病人，只系修女要同时系度照顾一个严重营养不良的小朋友，所以Peter先会系度。Peter比我上次见到佢既时候肥左好多，佢个嘴唇总让我想起《Slam Dunk》里面的鱼住。同好多无老豆阿妈的BB一样，Peter都系好痴生保人即系我，唔驶热身已经可以玩到好熟咁。 修女每次黎到总系好多小朋友围住佢（即系佢同时要照顾好多小朋友），每次我见到佢同小朋友冲凉、喂奶、清理大小二便，我总觉得佢头上面有一个光环，对比起修女呢D不断无条件的付出，呢一种大爱，我真心觉得自愧不如。 今日当我好失落咁坐系度发呆的时候，系修女抱住Peter走过黎同我讲︰「You did very good already！」 果一刻虽然明知佢系鼓励我，即系其实佢都唔知咩叫good咩叫bad，但果一个moment，还是感觉到一阵温暖。